face
   

ዘላለማዊው መልእክት

ዘላለማዊው መልእክት

ዘላለማዊው መልእክት

መለኮታዊ ሃይማኖቶችን ማዛባትና ማበላሸት

ሰዎች ከመለኮታዊ መመሪያና ከነቢያት ተልእኮ በራቁ ቁጥር ዕድለቢስነትና ጨለማ በሰው ልጆች ሕይወት ላይ ያጠላሉ። አላህም መልክተኞቹን አከታትሎ ይልካል፦ ‹‹ከመልክተኞቹ በኋላ ለሰዎች በአላህ ላይ አስረጅ እንዳይኖር፣አብሳሪዎችና አስጠንቃቂዎች የኾኑን መልክተኞች (ላክን)፤አላህም አሸናፊ ጥበበኛ ነው።››[አል ኒሳእ፡165]

አላህ መልክተኛ ሳይልክላቸው ማንንም አይቀጣም፦ ‹‹መልክተኛንም እስከምንልክ ድረስ የምንቀጣ አይደለንም።››[አል እሰራእ፡165]

www.aroadtohappiness.com

ጆርጅ ሳርቶን

በዋሽንግተንና በሃርቫርድ ዩኒቨርሲቲዎች ሌክቸረር
ኃያል ክስተት
‹‹በሰው ልጆች ታሪክ ውስጥ የተከሰተ ከሁነቶች ሁሉ ይበልጥ የበለጸገ አንድ ሁነት ይገኛል፤እርሱም የእስላም መምጣት ነው።››

ዒሳ u ከተላኩና አላህ (ሱ.ወ.) ወደራሱ ካነሳቸው በኋላ የሰው ልጆች በማይምነት፣በጥመት፣በግፍና በጨለማ ተዋጡ። መለኮታዊ ሃይማኖቶችም የጠራውን የተውሒድ እምነት በጣዖታዊነትና በሽርክ በለወጡ አጥፊዎች አማካይነት ለመዛበት ለመጣመምና ለክለሳ አደጋዎች ተጋለጡ። ለአላህ ኃያልነትና ለተውሒዱ ተጻራሪ የሆኑ እምነቶችን በማራመድና ተገቢ ያልሆኑ ባሕርያትን ለርሱ በመስጠት ረገድ በአምልኮም ሆነ በአነዋነዋር በመጽሐፉ ባለቤቶችና በጣዖታውያን ሙሽሪኮች መካከል ልዩነት አልነበረም። በዚህ ግዙፍ የሽርክ፣የኤቲዝም፣የአላህን ቃልና መለኮታዊ መጽሐፎችን የማዛባትና የመለዋወጥ ማዕበል ውስጥ፣የመጽሐፉ ባለቤቶች የአላህን ኪዳንና የአላህን ቃል በግድ የለሽነት ከጀርባቸው ኋላ በመጣላቸው፣እውነቱን ደብቀው ሐሰትን በግልጽ በመንዛታቸው፣የአላህን እገዳዎች በመጣስ የአላህን መብቶችና የፍጡራንን መብቶች በመጣሳቸው፣ግላዊ ጥቅሞቻቸውን ከእውነት ያበለጡ መሪዎቻቸውና ካህኖቻቸው እንዳደረጉት ሁሉ የሚያውቁትን እውነት ለገንዘብና ለሹመት በመለወጣቸው . . አውዳሚ ጦርነቶች ተስፋፉ፤አምባገነንነት ሰፈነ። የሰው ልጆች በክህደትና በአለዐዋቂነት ምክንያት ልቦናን ባጠቆረ ድቅድቅ ጨለማ ውስጥ ለመኖር ተገደዱ። መልካም ስነምግባር ጨቀየ፤ሰብአዊ ክብርም ተዋረደ፤በምድሪቱ ላይ ጥፋት ተዛመተ። በዘመኑ መንገዱን ለሰው ልጆች ሊያበራና ወደ ቀጥተኛው ጎዳና ይመራቸው ዘንድ የነቢይነትን ችቦ ያነገበ፣የቅን መመሪያን ብርሃን የያዘ ታላቅ የለውጥ አራማጅ መሪን በመላክ አላህ (ሱ.ወ.) ካልታደገው በስተቀር ሰብአዊነት በጣእረ ሞት ውስጥ መሆኑን፣ለውድመትና ለጥፋት መቃረቡን ዘመኑን ያስተዋለ ሰው በቀላሉ ይረዳል።

የሰው ልጆች መድህን

የሰው ልጆች በዚህ ጽልመታዊ ሁኔታ ውስጥ እያሉ ነበር አላህ ነቢዩን rየላካቸው። መልክተኛው ይሆኑ ዘንድም ሙሐመድን r መረጣቸው፦ ‹‹የአላህ መልክተኛና የነቢዮች መደምደሚያ ነው፤››[አል አሕዛብ፡40]

ከነቢዩም ጋር መላውን የሰው ዘር ከጥመትና ካለመታደል የሚታደገውን መሪ ብርሃንም ላከ። በዚህም ይህን ሃይማኖት ምሉእ አድርጎ ለሰው ልጆች የለገሰውን ታላቅ ጸጋውን አዳረሰ። ነቢዩም r ይህን ዘላለማዊ እውነታ ለዓለማት ሁሉ ተደራሽ ለማድረግ በጽናት ታገሉ፦ ‹‹(ሙሐመድ ሆይ!) ለዓለማትም እዝነት አድርገን እንጅ አልላክንህም።››[አል አንቢያ፡107]

ዓለማት ሁሉ የመታደልን መንገድ ይከተሉ ዘንድ በእዝነትና በርኅራሄ ተላኩ።

ለሰው ልጆች የዘላለማዊ ተድላና የደስተኝነት መንገድን ለማሳየት ላደረጉት ታላቅ ተጋድሎ ከማንም ሰው ዋጋም ሆነ ወሮታ ፈላጊ አልነበሩም። አላህ (ሱ.ወ.) እንዲህ ብሏል፦

www.aroadtohappiness.com

ሎሥሮብ እስቶታርድ

አሜሪካዊ ጸሐፊ
ታላቁ ድንቅ ዜና
‹‹ከዚያ ዘመን በፊት በማይታወቅ ሕዝብና ምንም ግምት በማይሰጠው አገር ውስጥ የእስላም መነሳት ዜና በሰው ልጅ ታሪክ ውስጥ የተመዘገበ እጅግ ታላቁ ድንቅ ዜና ነው ማለት ይቻላል። በሰፋፊ የምድር ክፍል የተንሰራፉ ታላላቅ ኢምፓይሮችን ገርስሶ፣ዘመናትን ያስቆጠሩ ጥንታዊ ሃይማኖቶችን አስወግዶ፣በሕዝቦች ልቦና ያለውን አስተሳሰብ ለውጦ በመሰራጨት፣ከአጽናፍ እስከ አጽናፍ የተዘረጋውን የእስላም ዓለም በግማሹ የዓለም ክፍል ለመገንባት አስር አስርት ዓመታት አልፈጀበትም።››

‹‹የሙሐመድን ሕይወት የመሰለ ሕይወት፣የአስተውሎት የፍካሬና የትግል ኃይሉን የመሰለ ኃይል፣በአገሩ አልባሌ ወግና ልማድ በሕዝቦቹ ማይምነት ላይ መዝመቱ፣የጣዖታት አምላኪዎችን ሲጋፈጥ ያሳየው ብርታትና ጀግንነት፣የአላህን ቃል ከፍ ማድረጉ፣የእሰላምን የእምነት ማእዘናት ለማጽናት ያሳየው ብርታትና ጽናት . . ይህ ሁሉ ድብቅ ዓላማ ያለውና ማጭበርበር የሚፈልግ ወይም በሐሰት ለማደር የሚያቅድ ላላመሆኑ ትልቅ ማስረጃ ነው። [ሙሐመድ] ፈላስፋ ነው፤ዲስኩረኛ ነው፤መልክተኛ ነቢይ ነው፤ሕግ አውጭ ነው። የሰው ልጆችን ወደ እሳቤና ወደ አስተዋይነት የመራ መሪ ነው። ክህደት የሌለበት ሃይማኖት መስራች ነው። በምድር ላይ የሃያ መንግስታት መስራች ነው። በሰማይም የመንፈሳዊ መንግስት በር ከፋች ነው። እርሱ ከደረሰበት የሰብአዊ ፍጡር ታላቅነት ደረጃ ማን ደርሶ!! እርሱ ከደረሰበት የምጥቀትና የምሉእነት ደረጃ ማን ቀርቦ!!›› ‹‹በላቸው፦ በርሱ ላይ ምንም ዋጋ አልጠይቃችሁም፤እኔም ከተግደርዳሪዎቹ አይደለሁም።››[ሷድ፡86]

www.aroadtohappiness.com

ላማርቲን

ፈረንሳዊ ባለቅኔ
የዓለማት እዝነትና በረከት
‹‹የሙሐመድን ሕይወት የመሰለ ሕይወት፣የአስተውሎት የፍካሬና የትግል ኃይሉን የመሰለ ኃይል፣በአገሩ አልባሌ ወግና ልማድ በሕዝቦቹ ማይምነት ላይ መዝመቱ፣የጣዖታት አምላኪዎችን ሲጋፈጥ ያሳየው ብርታትና ጀግንነት፣የአላህን ቃል ከፍ ማድረጉ፣የእሰላምን የእምነት ማእዘናት ለማጽናት ያሳየው ብርታትና ጽናት . . ይህ ሁሉ ድብቅ ዓላማ ያለውና ማጭበርበር የሚፈልግ ወይም በሐሰት ለማደር የሚያቅድ ላላመሆኑ ትልቅ ማስረጃ ነው። [ሙሐመድ] ፈላስፋ ነው፤ዲስኩረኛ ነው፤መልክተኛ ነቢይ ነው፤ሕግ አውጭ ነው። የሰው ልጆችን ወደ እሳቤና ወደ አስተዋይነት የመራ መሪ ነው። ክህደት የሌለበት ሃይማኖት መስራች ነው። በምድር ላይ የሃያ መንግስታት መስራች ነው። በሰማይም የመንፈሳዊ መንግስት በር ከፋች ነው። እርሱ ከደረሰበት የሰብአዊ ፍጡር ታላቅነት ደረጃ ማን ደርሶ!! እርሱ ከደረሰበት የምጥቀትና የምሉእነት ደረጃ ማን ቀርቦ!!››

ይልቅዬ ፈጣሪ አምላካቸው ንጉሥ መልክተኛ ከመሆንና አገልጋይ መልክተኛ ከመሆን አማርጧቸው የአላህ አገልጋይ ባሪያውና መልክተኛው መሆንን መርጠዋል። በመሆኑም ነቢዩ r እንደማንኛውም ሰው ሰብአዊ ሕይወትን ነበር የኖሩት፤ባልደረቦቻቸው እንደሚራቡ የሚራቡ፣እነሱ እንደሚቆስሉ የሚቆስሉም ነበሩ፤አብሯቸው ይሠሩም ነበር፤የአላህ ባሪያና አገልጋዩ በመሆናቸውም ይኮሩ ነበር፤ጌታቸው አላህም (ሱ.ወ.) ሲያከብራቸውና እርሱ ዘንድ የመጨረሻው ክቡር ደረጃ በሆነው ማዕረግ ‹‹ባሪያችን›› በማለት ነው የጠራቸው። አላህ (ሱ.ወ.) እንዲህ ብሏል፦ ‹‹ምስጋና ለአላህ ለዚያ መጽሐፉን፣በውስጡ መጣመምን (መማታትን ያላደረገበት) ሲኾን በባሪያው ላይ ላወረደው ይገባ።››[አል ከህፍ፡1]

ከዚህም አልፈው ነቢዩ r ማንም ሰው ከሚገባቸው ያለፈና የተጋነነ ክብር እንዳይሰጣቸው ያስጠነቅቁ ነበር። ይህን በማስመልከትም እንዲህ ብለዋል፦ ‹‹ክርስቲያኖች የመርየምን ልጅ (ዒሳን) ከልክ አሳልፈው እንዳሞገሱት ዓይነት አታሞግሱኝ። እኔ የአላህ ባሪያ እንጅ ሌላ አይደለሁምና፤የአላህ ባሪያና መልክተኛው በሉኝም።›› [በቡኻሪ የተዘገበ] ነቢዩን r ያያቸውና ያወቃቸው ሰው ሁሉ እውነተኛነታቸውንና ፍጹምነታቸውን ወዲያውኑ ይረዳል፤በክቡር ስነምግባራቸውና በመጠቀ ባህርያቸውም ይመሰጣል። ይህም ከወዳጆቻቸው በፊት ጠላቶቻቸው፣ከሙስሊሞችም በፊት ከሓዲዎች ራሳቸው አውቀው ምስክርነታቸውን የሰጡበት ጉዳይ ነው! ጌታቸው አላህ (ሱ.ወ.) እንዲህ ሲል የመሰከረላቸው መሆኑ ብቻ በቂያቸው ነው፦ ‹‹አንተም በታላቅ ጠባይ ላይ ነህ።››[አልቀለም፡4]

www.aroadtohappiness.com

ማይክል ሃርት

አሜሪካዊ ጸሐፊ
በሰው ልጆች ታሪክ ውስጥ የታላቆች ታላቅ
‹‹ሙሐመድ በታሪክ ውስጥ እጅግ በላቀና ጉልህ በሆነ መልኩ በሁለቱም ሃይማኖታዊና ዓለማዊ መስኮች አንጸባራቂ ስኬትን ያስመዘገበ ብቸኛው ሰው ነው። ይህ ወደር የሌለው የሃይማኖታዊና ዓለማዊ ተጽእኖ ፈጣሪነት ልዩ ውሕደት፣በሰው ልጅ ታሪክ ውስጥ ታላቁ ተጽእኖ ፈጣሪ ግለሰብ ተደርጎ እንዲወሰድ ያደርገዋል።››

አላህ (ሱ.ወ.) የነቢያትና የመልክተኞች መደምደሚያና ማጠቃለያ አድርጎ የመረጣቸው መሆኑ ብቻ ከምንም ምስክርነት በላይ ነው። ተልእኮአቸው ተሟልቶ ሲጠናቀቅም፣አላህ (ሱ.ወ.) መልክታቸውን ለሰው ልጆች የተላለፈ የመደምደሚያው ዘላለማዊ መልክት አድርጎ እስከ ዓለም ፍጻሜ ድረስ በማቆየት እሳቸውን ወደራሱ ወስዷቸዋል።

  - ከልቦለዱ ጋር የተያያዙ
  - ከመጽሐፎች ጋር የተያያዙ
  - ከምስል ጋር የተያያዙ
ቅድሚያ ለሃይማኖት